J'tais à Prague mais v'là tchi n'èrsembliait pon hardi à Prague. Au mitan d'la ville y'avait eune hardi grande pièche auve eune grande cathédrale au mitan. Lé trafi pouvait cirtchuler l'tou d'la cathédrale mais y'avait des piêtons étout. Tout l'tou du d'houors d'la cathédrale sus les muthâles y'avait des melles ou des cros embédonnés dans les pièrres. Ch'tait pouor souôt'nîn les câbl'yes des tramouais tchi soulaient pâsser dans la pièche. Duthant l'temps du c'meunisme, les autorités c'meunistes faîthaient sèrvi ches melles ou cros pouor affichi d's affiches dé propagande. Mais achteu ch'tait raîque des mémouaithes. L'avant à la cathédrale dans la pièche y'avait des tabl'yes pouor vendre des bieaux livres dé portraits d'châtchieaux et d'paysage. Yen avait iun tchi couôtait dgiêx-huit louis.
Rêvé l'24/10/2024
Viyiz étout: