Les Pages Jèrriaises

Un Rêve

Quand j'êpyis par lé creux dans la muthâle d'l'allée,
y'avait des feurs lithants tchi caûffaient la jouôthie;
les rouoges fliambes êcliaithaient ches joueurs et touos lus s'grets.
I' briyaient et hueûlaient sans qu'un mot m'vînsse à l'ouïe.

Des feurs mystéthieurs dé l'aut' bord du châchais:
les vouaix fûdrent achouêmies et les s'grets touos châchis,
et ouaithe qué j'n'en comprînsse rein d'l'abat-dg'ieau dé brais,
lé sang tchi s'adonnait 'tait raîque partie du ji.

Des dans'rêsses vîndrent danser avaû l'allée à feu,
et l'bouais brûlant grounnit, un véthot bigorgi
dans l'sang dé tchi, les pids des dans'rêsses fîdrent frémeu...
et par l'creux du châchais, ch'fut tout chenna qu'j'êpyis.

Geraint Jennings
Rêvé l'17/3/2015

 

Viyiz étout:

 

Les Pages Jèrriaises