Y'avait siêx hommes tch'avaient 'té condamnés à mort pouor viol, et pouor tchique raîson, ch'fut l'Conmité des C'mîns tchi fut chèrgi d's'otchuper d's arrangements pouor l'exétchution.
J'avêmes trouvé eune belle muthâle en grannit dans un bieau gardîn ensolilyi. Y'avait siêx cros dans la muthâle dé tchi pendre les prîsonnièrs en même temps, et chenna en deux rangies.
La muthâle avait des p'tites flieurs entre les blios - bliues et roses - et les cros d'fé 'taient bein vièrs et rouillis.
Mé, j'avais tchiques doutes entouor l'exétchution et jé n'tais pon seux si j'pouôrrais r'garder l'affaithe. J'tais à haler sus les cros pouor vaie s'i' 'taient forts assez - et j'criyais qu'la rangie d'en bas 'tait trop bâsse: l's hommes es'saient êtrangliés.
Viyiz étout: