|
Ch'tait à la campangne sus eune route, et j'têmes arrêtés ès veues d'trafi. Mé, j'tais sus ma bike et l's aut's avaient des vielles vaituthes. Un cacheux s'arrêtit pouor mé d'mander si j'voulais un pâssage, mais j'lî dis qu'j'avêmes des vaituthes en tout cas. À l'aut' bord du carrefour y'avait eune rangie d'boutiques. Preunmiéthement y'avait eune bouochel'lie tch'avait nom La Bouctéthie (mais ché n'tait pon à La Bouctéthie). Un mio pus liain, y'avait eune boutique Chinnouaise. Lé bouais d'la côtchiéthe 'tait peint en blianc. Sus la d'vantuthe y'avait d's annonches dé chein qu'i' vendaient là: d's ôtis pouor la tchuîsinne et du mangi Chinnouais.Y'avait d'l'êcrituthe Chinnouaise et des vèrsions Jèrriaises mais tout l'Chinnouais n'tait pon translaté en Jèrriais. La boutitchiéthe, eune vielle Chinnouaise, sé dêhalit d'sa boutique à seule fîn dé m'pâler. Rêvé l'21/7/2024 |
Viyiz étout: