J'tais dans d's offices modèrnes et nou m'avait d'mandé d'jouaindre eune êtchipe dé journalistes pouor lé radio en Français. J'criyais qué ch'tait raîque pouor agrandi l'êtchipe, mais nou mé d'mandit d'faithe des entréveues. Y'en avait tch'avaient des doutanches si j'pouvais pâler l'Français assez bein pouor c'meunnitchi mais un co qu'jé c'menchi d'pâler en Français nou 'tait d'accord qué j'pâlais l'Français auve un accent Jèrriais qu'lé monde n'èrconnaîtraient pon exactément dé ioû qué chenna v'nait.
J'tais dans un par et j'tais habilyi en unniforme militaithe. Ch'est en tchi j'tais pouor rapporter sus eune garde militaithe dé d'fense. Ch'tait des volantaithes. L'unniforme 'tait d'camoufliage, mais chenna n'sembliait pon cadrer auve la paix du par, où'est qu'i' y'avait des flieurs et d's însectes qué j'èrgardais d'près. Y'avait un haut mitheux et jé m'mithaûdis et admithais m'n unniforme. J'avais molli d'paids et auve ma barbe trînmée d'près j'pathaîssais aver rajanni. Jé m'agenouoillis au ras d'eune bordeuse et un p'tit jaune ouaîsé vînt jutchi sus l'pommé d'ma gambe.
Rêvé l'7/9/2022
Viyiz étout: