Mé et man fréthe, jé charêmes eune chambre. Ché n'tait pon la maîson d'not fanmil'ye et j'têmes des grandes pèrsonnes, mais un mio pus jannes qu'achteu. La chambre 'tait grande et y'avait deux lyits. J'èrveins à la maîson et j'fus dans la salle dé bain où'est qu'man fréthe 'tait endormi paîsibliément dans l'bain. I' 'tait habilyi en nièr et dans l'bain y'avait d'la caude ieau et d'la mousse tchi couvrait un mio l'corps d'man fréthe. I' sembliait dormi bein confortabliément et j'lé laîssis là dans l'bain. D'èrtou dans la chambre, j'tais au liet et j'èrgardis à s'nêtre et né v'là not' péthe à couochi man fréthe dans l'aut' liet et pliaichi trantchil'yement un êdrédon par d'ssus d'man fréthe. Not' péthe sembliait pus à co janne, li. I' n'dit mot.
Rêvé l'10/9/2019
Viyiz étout: