Les Pages Jèrriaises

Un rêve

Y'avait eune pièche au bas d'eune êtraite vallée tchi soulait êt' eune stâtion dé c'mîn d'fé. Lé bâtisse dé c'mîn dé fé 'tait à dêtre auve eune tou cârrée auve eune lief pouaintue et un nom gravé dans la pièrre. Dans l'mitan d'la pièche y'avait eune ronde bordeuse. Sus la bliête y'avait des fliotchets d'monde à chanter. Nou s'en d'mentait à chanter eune chanson entouor un corbîn tch'avait des vèrsions en Manx et en Cornouaillais et en Jèrriais. J'avais des fieillets auve les vèrsions des patholes dans des difféthentes langues qué jé chârais auve du monde. La chanson entouor lé corbîn c'menchit auve eune pétite lîngne épis s'èrpétait en ajouôtant eune lîngne châque fais. Ch'tait eune belle et sîmpl'ye chanson folklorique qu'lé monde chantaient ensembl'ye dans les difféthentes langues.

Rêvé l'29 l'Novembre 2015

 

Viyiz étout:

 

Les Pages Jèrriaises