Les Pages Jèrriaises

Un rêve

J'tais sus un c'mîn d'fé funitchulaithe tchi montait bein quédaine amont un raide mont. Lé d'dans 'tait quâsiment coumme eune fîsée mais étout un mio coumme un train du Souôtèrrain Londronnais. Quand l'train arrivit au haut du mont, y'avait des d'grés pouor dêbèrtchi épis y'avait eune manniéthe dé bel auve des cafés tout l'tou et des bordeuses et des pliantes entre les tabliées d'gens à baithe lus thée ou café. Lé solé lithait l'travèrs du lief en vèrre tchi couvrait eune grande partie du bel. J'avais eune bouochie d'litchide à gargariser (rinche-bouoche). Jé n'voulais pon l'êcopi trop près des tabl'yes otchupées et j'trouvis eune carre auve des tabl'yes libres et j'êcopis dans eune bordeuse là.

Rêvé l'8 d'Févri
 

Viyiz étout:

 

Les Pages Jèrriaises