Au carrefour d'Robîn des Bouais dans la Route dé La Trinn'té à gauche justément dans la muthâle du bord d'l'aubèrge, y'avait eune hèche en méta et driéthe chutte hèche eune montée un pièrre m'nait amont à la porte d'eune maîson. La porte 'tait en bouais, breune et p'tite, mais la maîson 'tait privée. Y'avait comme eune allée d'bel lé tou d'la maîson et dans la carre du bel à drouaite d'la porte y'avait eune brèque dans l'fôssé (ou quâsîment eune brèque - y'avait un creux - mais nou pouvait tout comme engamber l'fôssé) tchi m'nait à un c'mîn en tèrre battue sus l'haut d'eune banque au pouorportant d'la route. Lé solé lithait sus la banque, et nou pouvait marchi sus l'haut d'chutte banque avaû lé c'mîn jusqu'à Saint Saûveux. Du c'mîn nou pouvait r'garder en bas sus les liefs des maîsons et bâtisses dé l'aut' bord d'la route.
Un photographyi tch'avait nom Chris halit un portrait d'un pitchet d'veue et l's êtailes tchi lithaient dans ciel à drouaite du pitchet, et en touônnant l'portrait un quart dé ronde, v'là tchi r'sembliait exactément à un dgiagranme graphique dé tchiquechose tch'avait prîns pliaiche.
Rêvé l'19/1/2022
Viyiz étout: