J'têmes en unniforme. Dans la ville y'avait eune pathade en honneu d'la Reine. La musique 'tait formée dans la rue, prête pouor jouer eune marche et marchi avaû la rue. Nous, j'têmes pouor marchi d'l'aut' bord, contre la musique, et pouor aller à la stâtion dé c'mîn d'fé souôtèrrain. Dans la stâtion y'avait un tas d'tonnelles et d'montées. Les montées avaient des d'grés en méta poli, J'pouvêmes drisser sus les talons (en t'nant bouôn à la balustrade) ava les montées, à seule fîn dé d'valer à pus d'eune ièrre. La stâtion 'tait remplyie d'jannes gens en unniformes tchi drissaient ava les montées d'même et couothaient par les tonnelles ès pâssagièrs.
Rêvé l'24/3/2023
Viyiz étout: