Y'avait des gens pouor vîsiter eune sociêté dé tchi l's offices 'tait dans un haut bâtisse. J'eûnmes à monter jusqu'au lief du bâtisse amont eune montée en méta. J'tais quâsiment pouor arriver à haut et d'mett' lé pid sus la tripselle en méta sus l'bord du pliat lief, quand j'craûlis et pèrdis ma balanche et j'eus à gaffer la balustrade. J'tchis et n'pouvais pon bouogi sénon pouor mé croch'ter ès bârrotîns d'la balustrade à seule fîn dé n'pon m'êtrav'ler sus la montée. J'avais peux et j'briyis ès gens d'm'aîdgi mais fis d'âme né vînt à m'n aigue. J'briyais et briyais. Auprès un brîn j'èrpus bouogi et j'm'en fus l'travèrs du lief à la porte d'entrée. Pouor tchique raison, ouaithe qué nou-s'eûsse à entrer dans l'bâtisse pouor les rêunnions par la montée en d'houors, nou pouvait monter et d'valer dédans l'bâtisse par des grandes montées en touothâle. Les montées 'taient hardi êlégantes et d'laîze, peintes en jaune, coumme dans eune grande hôtel ou un vièr film dé Hollywood des années 30s.
Rêvé l'27/1/2024
Viyiz étout: