Y'avait eune pièche dans eune ville, toute modèrne auve des bâtisses en pièrre tout l'tou. Au bas d'eune des bâtisses împortants y'avait eune mathe ofûche pour un jet dg'ieau, mais n'y'avait pon d'jet dg'ieau en allant. La pièche 'tait pavée l'tou d'la mathe et lé pavage continnuait auve des pièrres cârrées dans l'ieau.
Y'avait ieu eune stchulptuthe en méta sus la côtchiéthe du bâtisse mais des buts en avait tchée dans l'ieau. Ch'tait d'dêpêtchi les buts d'méta dé d'dans l'ieau. Jé m'adentis pouor prendre les buts d'méta. Y'en avait tchi 'taient en assez bouon êtat et d'valeu mais d'aut's 'tait tout rouis et quâsiment cliutés au fond d'la mathe. Atout mes dés j'dêfouis l'méta roui épis j'dêmuchis souos l'fond d'la mathe eune main d'houmme. Ché n'tait pon d'tchi archéologique. La main 'tait toute fraîche et l'restant du cadâvre sembliait êt' souos l'pavage lé tou d'la mathe.
Rêvé l'10/9/2023
Viyiz étout: