Les Pages Jèrriaises

Un rêve

J'têmes pouor atchilyi la vîsite d'un maire dé tchiquebord et j'têmes dans eune pièche où'est qu'nou 'tait pouor dêvouailer eune înscription sus l'pavé à seule fîn d'mèrtchi la vîsite. Lé solé lithait et y'avait eune photographiéthe en braies et néthe câsaque. Mé, j'tais s'posé d'raconter eune histouaithe au maire et à sa siette entouor des lapîns, mais ch't' histouaithe n'tait pon aîsie à translater: y'avait deux p'tits lapîns tchi couothaient au Vouêt par la côte. Il' arrivîtent dans la Baie d'Saint Aubîn et i' dîtent, "Est-alle grande la Baie d'Saint Aubîn; ch'est la grande baie ès p'tits cônîns!". Êpis i' couothîtent pus liain et il' arrivîtent dans la Baie d'Saint Brélade et i' dîtent, "Est-alle belle la Baie d'Saint Brélade; ch'est la belle baie ès p'tits cônîns!" et ainchîn d'siette.

Rêvé l'20 d'Mai 2018

 

Viyiz étout:

 

Les Pages Jèrriaises