Dans l's êcoles y'avait d's ensîngnants auve des supèrpouvièrs tchi pouvaient lanchi d's avions en papi dans les salles. Ches ensîngnants 'taient app'lés des CIEDs. J'm'en fus dans eune êcole vaie un anmîn tchi 'tait un CIED. Les mousses dessinnaient des monstres sus du papi. Mais ches portraits touônnaient en vrais monstres, des êmânues d'dans les trais mètres dé haut, mais toutes pliates et couleuthées coumme des portraits d'mousses. Deux d'ches monstres, longs coumme des dragons ou sèrpents d'mé, 'taient dans l's allées, iun à haut et l'aut' ès bas. L'iun 'tait bliu et l'aut' couleu d'rose. J'tais happé sus la montée entre les deux dg'ieux. Jé m'muchis dans un hardi p'tit souos-d'gré. D'un co la porte du souos-d'gré s'ouvrit et j'crus qué ch'tait iun des pliats monstres, mais nou m'adèrchit atout un avion en papi. Ch'tait m'n anmîn l'CIED, et j'nos en feûnmes hors, les deux d'nous.
Rêvé l'29/4/2023
J'tais à chèrfouoilli dans mes bagages pouor man titchet d'èrtou en Jèrri, quand j'rêalîsis qu'jé n'tais pon pouor r'aller en Jèrri et don i' n'tait pon d'mêtchi d'aver un titchet pouor.
Rêvé l'30/4/2023
Viyiz étout: