J'tais siez mé dans eune maîson, et j'tais dans l'parleux et à la main j'manniais un grand fouet d'tchuîsinne en méta tchi lithait dans l'solé. Jé slachais atout l'fouet dans l'air à tigue dé corps à dêtre et à s'nêtre comme si l'fouet d'tchuîsinne 'tait un sâbre.
J'fus un mio morfondu quand tchitchun entrit dans l'appartément et mé d'mandit tch'est qué j'tais à faithe auve lé fouet. J'înventis eune extchûthe qué la f'nêt' 'tait ouèrte et qu'j'avais ouï un brit et qu'j'avais ieu peux qu'un voleux ou tchique aut' crînminnel eûsse entré dans la maîson et qu'j'eus à m'armer contré l'înconnu.
Mais quand j'èrgardis la f'nêt', ch'tait bein pôssibl'ye qué tchitchun s'y 'tait sîlyi et qu'i' y'avait, véthe, tchitchun d'aut' dans la maîson.
Rêvé l'26/2/2021
Viyiz étout: