J'feûnmes à la faithe d'antitchités. Y'avait à vendre là des pliaques d'èrmèrciements en argent d'la Preunmié Dgèrre Mondiale. Nou-s'en avait des portraits couèrts en pliastique. Mais y'en avait trop dg'ieux. Nou n'en éthaient pon ieu des doutanches s'i' y'en avait ieu raîque deux-trais, mais y'en avait un tas. Ch'tait-i' eune fraude?
Les pliaques 'taient rêvendîtabl'yes - ch'est à dithe s'lon les marchands èrvendabl'yes. Mais quand j'lius l'înscription sus les pliaques i' m'sembliait qu'lé langage avait 'té translaté d'tchique aut' language tchi n'tait pon l'Angliais. Il' avaient 'té don faussées.
J'voulais garder ma femme en seûth'té et j'feûnmes à un appartènement où'est qu'i' y'avait eune anichette dé pièches dé sou en argent. Des vielles pièches et des hardi vielles pièches mais i' sembliait qu'ches'-chîn avait 'té faussées étout. D's agents avait chèrfouolli dans mes fréminnes.
Rêvé l'2/10/2023
Viyiz étout: