Les Pages Jèrriaises

Un rêve

Ch'tait eune vîsite dgidée à un rêsèrveux dg'ieau en Înde. Lé solé lithait et y'avait un fliotchet d'monde à vîsiter l'rêsèrveux. Chu rêsèrveux 'tait ênorme mais i' n'y'avait pon hardi dg'ieau d'dans et nou viyait des rotchièrs et des mathes dg'ieau et les bords endrait au liain.

À chu bord du rêsèrveux y'avait un système d'êcliûthes tchi 'taient des tours en grannit stchulpté. Ch'est chein qué j'tais v'nu vaie ch'est en tchi j'avais un întéthêt dans l'scientiste tch'avait travailli sus l'rêsèrveux en faîthant d's expthîments împortants. Châtcheune des tours avait eune pliateforme à haut auve eune ronde pliaque tchi donnait la date d'un expéthînment s'lon un système dé calendri Îndgien.

Par dédans y'avait eune conféthence entouor l's expéthînments dans eune salle. J'tais assis à gauche dans l'audienche. L'expèrt finnit san discours épis nou d'mandit des tchextchions d'la salle. Un moussieu c'menchit à pâler mais ché n'tait pon eune tchectchion mais un long discours entouo l'histouaithe d'la scienche en Afrique du Sud et la situâtion achteu. Lé discours 'tait si long qu'lé monde tchittîtent la salle et lus en fûtent mangi.

Rêvé l'24/1/2019
 

Viyiz étout:

 

Les Pages Jèrriaises