Y'avait eune grève à galiche, bein rapide et en roulais. La mé 'tait au liain et y'avait des falaises driéthe nous. Y'en avait six d'nous trais coupl'yes assises à des p'tites vèrtes rondes tabl'yes sus l'galot bein cârrées.
Dans eune pièche dé galiche pus liain, y'avait eune grôsse loup-mathinne d'la mênag'gie tchi faîthait fouah du monde, êtrav'lée motcheûthement. Ou pîssait coumme un arrouôseux d'gardîn à seule fîn dé s'motchi du monde.
Eune sèrveûthe vînt l'travèrs d'la galiche et nos sèrvit un r'pas à nos tabl'yes. Ma parchonniéthe et mé à not' tabl'ye, tchi 'tait à gauche, pus près d'la loup-mathinne (mais acouo bein liain d'lyi), j'mangînmes un fricot Chinnouais atout des badgettes Chinnouaises. Les aut's coupl'yes né mangeaient pon la même chose.
Les aut's coupl'yes finnîtent lus r'pas d'vant nous et tchittîtent lus tabl'yes, mais j'restînmes à tabl'ye nous, quandi qu'la sèrveûthe èrvînt clièrgi la tabl'ye sans dithe mot.
Ma parchonniéthe voulait qué j'vînsse au liet, mais mé j'dis qué j'pouvais faithe l'amour raîque coumme la grôsse loup-mathinne, pouor faithe du fanne.
Rêvé l'9/3/2021
Viyiz étout: