J'tais à pédaler à la campangne, et j'tais à d'valer eune rue tch'avait nom Rue Emmanuel Mothet. Chutte rue d'vînt un c'mîn d'tèrre épis s'dêtouônnit dans un bel dé fèrme tch'avait des grandes maîsons tout l'tou. Les maîsons 'taient vielles et y'en avait dg'ieux tch'avaient des grands us auve des colonnes. À gauche y'avait les ruinnes d'eune chapelle, sans lief. J'viyais tchiques vîsiteurs à r'garder lé d'dans d'la chapelle. Dans la chapelle jé trouvis des grandes stchulptuthes sus les blianches muthales. Y'avait un ange et un Saint Miché ou un Saint George. Y'avait des pliaques étout à la mémouaithe d'un génétha Français du dgiêx-huitchième siècl'ye. D'un bord y'avait eune boutique tchi vendait des souv'nîns et des cartes postales auve des portraits des vèrrinnes par Matisse qu'i' y'avait là.
Rêvé l'5/11/2023
Viyiz étout: