J'tais dans un assez grand avion remplyi d'pâssagièrs. Y'avait du renfreunmîn et i' faîsait bein caud. Un hôte dé cabinne tâchit d'ouvri eune ôsaine dé ventilâtion dans ieune des ôsaines dé driéthe dé l'avion mais v'là tchi s'bûchit et né v'là l'ôsaine toute ouèrte. Ch'fut eune avâthie et les pilotes eûtent à d'valer. L'avion volit bein bas l'travèrs d'eune cliôsée d'monde et j'attèrrînmes dans eune rue. Nou nos êvacuit dans un cinnéma et nou nos mouontrit du vidgo des caméras d'seurvil'lie dans l'avion. Les gens avait 'té g'lés et des candelles avait crû risibliément quédaine sus lus moustaches et barbes.
Rêvé l'18/8/2023
Viyiz étout: