J'tais dans la salle dé bain d'ma chambre dans eune hôtel. J'tais dans man béngône tchi 'tait nièr et rouoge. J'tais à l'hôtel pouor êcanchi des capotes contraceptives. Les capotes 'taient dans des p'tites boêtes cârrées, châtcheune couleuthée auve des difféthents portraits sus. J'areunnis les p'tites boêtes sus un ais et né v'là qu'nou sonnit à l'us. D'vant qué j'pûsse aveindre à la porte, la sèrvante ouvrit l'us et entrit dans la chambre. Ou m'appèrchut et fut morfondue. J'am'nis man bén'gône lé tou d'mé, et ou s'extchûsit. J'lî dis qu'i' n'y'avait pon d'souain.
J'arrivînmes à la caûchie en baté. La mé 'tait haute et trantchil'ye. Dans la baie y'avait des bouais, châtchun sus san p'tit rotchi tout entouothée dg'ieau. Au liain j'viyêmes d's îles et un châté. J'amontînmes dans la ville.
Rêvés l'15/8/2015
Viyiz étout: