J'avais r'chu eune lettre auve un patchet d'eune hardelle auve tchi qu'j'avais 'té à eune duithie lîndgistique à Prague y'a bein d's années et ou mentionnit qu'oulle avait fait sèrvi un mio d'man pâler dans san livre dé tchi qu'ou m'en avait envyé eune copie. Jé châris l'livre auve tchitch'un d'aut' tch'avait 'té à la même duithie et j'èrconnaîssêmes la hardelle. J'ai oublié san nom..
Y'avait eune conféthence ou exhibition entouor lé son et la musique et nou mé d'mandit si j'pouôrrais chanter tchiquechose. Y'avait un tou d'preinseu dans l'bâtisse et j'mouontris coumme tchi qu'lé tou d'preinseu pouvait agrandi l'son s'nou chantait la bouonne note. Jé chantis la note et l'tou d'preinseu c'menchit à tremblier épis tressonner coumme un grand porte-vouaix.
Dans un supèrmarchi, j'eus à présenter Terry L'Sueux, tchi 'tait bein pus haut qué d'vant, à un Juge Dgèrnésiais. I' 'taient là touos les deux acanté lus bouonnefemmes.
Rêvé l'14 dé Mai 2018
Viyiz étout: