J'tais à travailli dans eune gal'lie pouor graie eune mouontréthie géologique atout des pièrres et d's êcales. Y'avait des jannes gens à travailli dans la gal'lie étout. J'travaillînmes toute la niet et l'matîn l'gardgien vînt bârrer la gal'lie et ch'tait d'clièrgi. J'remplyis eune grande néthe pouque en pliastique auve des tés et j'tais pouor d'valer, quand l'gardgien trouvit deux câsaques en touaîson couleuthés en tartan qu'les jannes gens avaient sans doute laîssis. Jé d'valis la montée auve la poutchie d'tés et les câsaques. Ch'tait dêjà bieau jour l'matîn et les jannes gens 'taient dans l'café ès bas. J'lus donnis les câsaques, ieune 'tait pus p'tite qué l'aut' et 'tait pouor iun des pus jannes garçons. Jé m'dêhalis dans la ville et nou 'tait à graie les rues pouor eune vîsite du Rouai.
Rêvé l'22/1/2023
Viyiz étout: