J'tais dans eune chapelle à un entèrrement. J'tais assis sus un banc d'un bord à s'nêtre dé l'entrée. En r'gardant les gens assis sus les bancs d'driéthe d'la chapelle, j'èrmèrtchis eune blianche êmânue. J'criyais pouor c'menchi qué ch'tait un houmme sans c'mînse, mais nou-fait: ch'tait un blianc cat à court pé, grand coumme un houmme, tchi 'tait assis coumme eune pèrsonne mais tchi s'teurtait coumme si ch'tait un portrait d'Michelange sus l'pliafond dans la Chapelle Sistinne au Vatican. Épis j'èrmèrtchis qu'i' y'avait acouo des grands cats tchi faîthaient des teurs dé même, assis sus les bancs d'driéthe du bord au ras d'mé. J'mé d'mandais pouortchi qu'ches grands cats 'taient là à faithe des teurs viyant qué j'savais qu'i' n'taient pon là pouor l'entèrrement.
Rêvé lé 11 dé Mar 2015
Viyiz étout: