Man fréthe avait tchitté s'n appartènement et s'en 'tait 'té d'meuther dans eune grande cotte au bord d'la mé, auprès d'eune caûchie.
J'patchis mes bagages et s'en fus vaie la cotte. Y'avait un c'mîn d'fé sus la caûchie et j'arrivis à la stâtion où'est qu'nou 'tait à dêchèrgi un amas d'frits et d'lédgeunmes. J'aîdgis ès ouvrièrs dé tchithier des frits et lédgeunmes dans l'grand supèrmarchi au ras. Atout eune tchéthette j'emboulis des patates et des pînments et ofûche acouo d'tchi au supèrmarchi, mais jé m'poussais pon quédaine assez pouor rattraper l's ouvrièrs et j'eus à laîssi la chèrge dans l'supèrmarchi viyant qué jé n'savais pon où'est qu'ou 'tait la stôrre.
Un mio pus liain sus la caûchie auprès l'supèrmarchi, y'avait la cotte. Jé n'trouvis ni feunque ni feunme ni pèrsonne tch'alleunme. Lé solé lithait et les cottes sembliaient bein confortabl'yes. Y'avait des creux dans les muthâles d'la cotte tch'avaient 'té changis en chambres, auve des tapis et des nattes et des grands lyits. L'avant à la cotte y'avait un bel sablionneux auve des muthâles coumme un châté. J'grîmpis quâsiment au haut d'la muthâle mais ou 'tait trop haute pouor mé.
Quand j'èrvîns dans la cotte à la pliaiche où'est qu'j'avais laîssi mes bagages, jé trouvis mes pouques remplyies d'sablion.
Y'avait un hôpita auve des allées tchi touônnaient pouor s'en dêhaler.
Rêvé l'20/12/2023
Viyiz étout: