Les Pages Jèrriaises

Un rêve

J'avêmes 'té învités à un hôpita souôtèrrain Allemand tchi 'tait achteu un mûsée. L'entrée 'tait des portes dé style Art Déco en tchuivre campri. Driéthe les portes y'avait eune halle auve des portes d'ascenseurs. Ches portes étout 'taient campries. J'entrînmes dans un ascenseux tchi 'tait ênorme par dédans. L'ascenseux 'tait ouvèrt et nou viyait l's êtages du bâtisse. Sus l'pliateforme dé l'ascenseux y'avait eune vielle ambulance peinte en nièr, et lithante et chromée. Y'avait tchiques motorbikes et des ambulancièrs en nièrs unniformes tchi montaient à l'êtage. Ouaithe qué ch'fûsse un hôpita souôtèrrain, ch'tait l'entrée tchi 'tait souos la tèrre et l'restant du mûsée 'tait bâti en êtages qué nou viyait pâsser coumme l'ascenseux montait bein douochement

Rêvé l'12/6/2023
 

Viyiz étout:

 

Les Pages Jèrriaises