Y'avait eune vielle architecte Italienne au porta d'l'églyise. Oulle avait r'bâti l'églyise auprès la destruction d'la dgèrre. L'églyise avait 'té bâtie dans eune manniéthe Futuriste duthant l'époque dé Mussolini, et oulle avait 'té l'églyise des pathents d'l'architecte. L'églyise 'tait bêlongue auve eune côtchiéthe en brique auve un grand porta cârré bordée d'pièrre. Les grands us 'taient en bouais, et par l'us nou viyait lé d'dans r'nouv'lé d'l'églyise qué l'architecte avait grée: les muthâles 'taient richement peintes dé portraits en bliu et rouoge. L'architecte entrit dans l'églyise mais j'n'y'entris pon.
L'avant au porta d'l'églyise y'avait un court pitchet en méta auve un cahouain stchulpté en bronze sus l'haut. L's êtudgiants v'naient touchi l'cahouain pouor la bouonne chance.
À la fîn l'maire d'la ville fut blioutchi pouor la corrompréthie.
4/2/2013
Viyiz étout: