J'tais dans un aéroport. Eune dgaîngue dé nous 'taient pouor voler à Memphisville en Améthique pouor eune conféthence ou rêunnion. L'embassade n'avait pon d'livré mes bagages ni man pâsseport en temps. Nou m'pèrmînt d'aller dans la boutique sans împôts épis j'éthais à aller au compteux pouor prendre man titchet. Mais un co monté au compteux i' n'pouvaient pon trouver un vol pouor Memphisville, et sans doute lé vol n'tait pon tout drait et nou vol'lait à tchique aut' ville dévant. À la fîn l'embassade délivrit man pâsseport, mais ché n'tait pon en tout man pâsseport. Nou-s'avait changi l'nom et l'portrait dans l'pâsseport pouor les meins. Sus l'portrait j'tais habilyi dans eune robe exotique, et l'pâsseport 'tait remplyi d'êtampes pouor des pliaiches en Âsie qué j'n'avais janmais vîsité. Tchique femme avait vîsité ches pliaiches tout coumme. J'r'avais mes bagages.
Rêvé l'29/1/2024
Viyiz étout: