Ch'tait duthant la journée et y'avait eune grande fête ou assembliée et y'avait eune hardi grande salle auve un tas d'longues tabl'yes en bouais auve des sîmpl'yes bancs l'tou. J'tais assis à ieune des tabl'yes acanté eune d'mié douzaine d'hoummes et j'têmes à liéthe des gâzettes et pâler en Français. Y'avait un dgiagranme statistique sus ieune des gâzettes entouor la protection du ouaîth'lîn, et mé j'explyitchis qu'les ouaîsieaux tchi 'taient protégis dans l'dêpartément d'la Manche n'taient pon les cheins tchi dévthaient profiter d'la protection légale et qu'i' y'avait un tas d'manniéthes d'ouaîth'lîn dans la Manche tchi n'avaient pon d'protection légale. Et là-d'ssus nou s'en d'mentit dé d'bater la tchestchion et dé m'dithe qué même si j'avais raîson jé n'dévthais pon dithe d'ité viyant qué jé n'tais pon Français.
Rêvé l'2/12/2018
Viyiz étout: