J'tais un maît' dans eune êcole ou collège. Auprès les cliâsses des êcolièrs et maît's lus rassemblyîtent iun par iun en s'gret dans eune grande salle. J'restînmes là mâtés sans brit dans la salle. Iun d's aut's maît's vînt, entrit dans la salle et nos dêcouvrit. I' nos dgèrnit qué j'têmes touos nous, êcolièrs et maît's, "raîsonnés".
Pus tard, ch'tait la niet, et j'tais endrait la chapelle dé l'êcole à la belle êtaile. La côtchiéthe 'tait êcliaithie en bliu. J'tais à tâchi d'dormi sus la banque à l'aut' bord d'eune grande route. I' broussinnait. J'avais un ouothilyi et un blianket. J'viyais les veues des ouadgîns tchi pâssaient sus la route et y'en avait tchi mollissait dg'ièrre et sembliaient vouler lus arrêter pouor mé d'mander si j'voulais d'l'aîgue, mais j'lus sîngnalis qué j'tais d'charme.
Rêvé l'22/7/2024
Viyiz étout: