J'tais à pédaler dans l'Sud d'la France. Y'avait des bouais au pouorpourtant des rues. Auprès un brîn j'pâssis un êcritchieau tchi dîthait qué j'pâssais en Toscanne. J'n'avais pon pensé d'pédaler si liain mais ch'tait bein aîsi à pédaler et hardi pliaîthant. Ny'avait dgéthe dé trafi dans les rues. Un mio pus liain j'arrivis à un dêtou. Dans la grande route y'avait d's êcritchieaux pouor dithe qu'la route 'tait freunmée et nou'a-avait à touônner à s'nêtre pouor continnuer. J'dêtouônnis dans la p'tit rue au but d'tchi y'avait eune chînment'tie épis justément à dêtre y'avait un banc d'bliancs galots entre des rotchièrs. J'montis amont l'banc, et d'la sîl'ye j'pouvais vaie la mé. Y'avait eune grande baie d'bliue mé tchi lithait au solé entouothée d'blianches falaises dé rotchi auve des bouais et brouss'sies chîn' et là. À s'nêtre les falaises avaient eune ênorme arche dé rotchi d'dans l'travérs dé tchi l'ciel 'tait bliu cliai.
Rêvé l'23/2/2023
Viyiz étout: