Lé tèrrain tout l'tou 'tait pliat. La tèrre 'tait spartie en clios carrés géométriquement; n'y'avait pon hardi d'fôssés, ni d'bouais. Les clios 'taient des difféthentes couleurs dé vèrt êlavé.
Au liain y'avait des bâtisses d'eune fèrme tchi 'tait un mûsée d'la campangne. À tchiques clios l'avant au mûsée, nou-s'avait mâté eune statue en bronze du rouai sus un haut nièr piédesta. À chein tchi pathaîssait y'avait ieu d'l'opposition à la statue tch'avait 'té bâtie dans l'but d'un clios - un bêlong d'betchet au but l'pus près du mûsée. Mais la statue avait l'dos touônnée au mûsée et fachait les clios ouèrts.
À s'nêtre, acouo tchiques clios au liain d'la statue et du mûsée, y'avait eune maîson. Au dêtre dé la maîson, dans l'gardîn ou bel, un houmme vendait des livres. I' 'tait assis dans eune tchaîse pliyante.
J'lî dis qué ché s'sait mus d'vendre les livres par dédans. Des gens v'naient r'garder les livres en d'houors d'la maîson.
Rêvé l'10/5/2021
Viyiz étout: