Y'éthait à chein tchi pathaîssait eune grande rêunnion ou un protêt, ofûche à l'hôpita, et i' 'tait d'mêtchi d'porter du mangi et d'tchi d'aut' lé travèrs d'la Ville pouor lé monde. Ch'tait d'porter tout à l'Opétha. Mé j'tais si chèrgi qué j'avais à porter des long pains comme les bras d'un dalek dans les rues (jé n'tais pon siez mé, et j'avais ramâssé lé mangi tchiquebord d'aut'. Un co arrivé à l'Opétha y'avait d's appartènements mais n'y'avait pon assez d'run pouor tout l'monde auve tout chein qu'il' avaient apporté. J'eus à laîssi les longs pains dans eune salle dé bain.
Y'avait un cabathet ou café et quandi qu'j'espéthêmes les cheins tchi 'taient pouor v'nîn à la rêunnion ou tchi dgiâtre qué ch'tait, y'avait d'la musique. Eune belle femme 'tait là, fardée à la vielle faichon, auve des longs g'veux pus à co blionds et bein dêmêlés. Ou 'tait habilyi dans des habits pus à co d's années 50s, cârriotés ou picotés dans des difféthentes couleurs. Quand eune chanson pâssait qu'ou r'connaîssait, ou chantotait en faîthant des teurts lé tou des tabl'yes. Oulle avait du rouoge ès lèvres.
Rêvé l'28/9/2022
Viyiz étout: