Les Pages Jèrriaises

Un Rêve

Ma douoche et mé, j'décidînmes d'nos mathier d'un embrun sans dithe mot à fis d'âme sénon à eune pouongnie d'anmîns et ofûche dé membres dé nos fanmil'yes. Ch'tait pouor nos mathier pouor la fîn d'la s'maine. Mais quand vînt l'jour des neuches, j'têmes dans eune hardi grande hôtel. Les trottouaithes en d'houors 'taient touos g'lés et gliaichis et drissants, et l'allée d'l'entrée d'l'hôtel 'tait înnondée dg'ieau. L'hôtel 'tait hardi grande et richement meubliée auve des muthâles dé châchais d'bouais vèrni et grée auve d'l'or et du bronze èrlithant. Y'avait d's ascenseurs pouor monter les gens ès êtages; les us d'ches ascenseurs 'taient en bouais étout, tout poli.

Ouaithe qué j'eussêmes voulu aver des neuches sans dgèrni un tas d'gens, j'têmes à dêjeuner dans un appartément ès bas d'l'hôtel, d'un bord d'la grande salle du restaurant, et y'avait un tas d'învités, d's anmîns et des membres des fanmil'yes, des vielles gens et un tas d'jannes gens. J'têmes habilyis en pyjamas en souaie couleu d'pêche. Des hardgieaux m'encouothagîtent d'aller m'èr'abilyi et m'graie pouor la cérémonnie. Viyant qu'les ascenseurs allaient à des difféthents êtages d'l'hôtel, jé n'savais pon tchil ascenseux prendre.

Rêvé l'6 d'Mai 2015

 

Viyiz étout:

 

Les Pages Jèrriaises