J'tais à bord d'un baté coumme la batèl'lie du Châté Lîzabé, et y'avait du boulais et j'avais ma. J'avais un grand êdrédon pouor mé couvri mais jé n'pouvais pon l'garder en pliaiche. Quand l'baté arrivit à eune banque l'avant au châté, y'avait dans l'sablion un ênorme êcrou et i' 'tait d'mêtchi haler l'êcrou à seule fîn d'ouvri l'êcliûthe à l'entrée du châté. Tchitchun prînt un jeep et l'êcrou fut lié au jeep épis l'cacheux d'jeep cachit amont eune allée du bord du châté dans un bel où'est qu'i' y'avait des bâtisses et des boutiques. L'êcrou fut halé driéteh lé jeep et l'êcliûthe s'ouvrit, laîssant l'ieau s'n aller.
Nou tapit à l'us et jé m'lévis pouor aller rêpondre, mais j'tais si malade qué jé n'pouvais dgéthe rester mâter pouor explyitchi qué j'tais trop malade pouor laîssi entrer.
Rêvé l'22/2/2023
Viyiz étout: