Les Pages Jèrriaises

Un rêve

Un rêve ou ofûche eune ponserêsse. Y'avait des gens tchi voulaient entrer siez mé. J'avais un bouton sus la muthâle dans iun d's appartéments pouor protégi contre les ouéthous. J'avais un tas d'sétheûthes sus la grande porte mais jé n'les bârrais tréjous pon. Sus la tèrrasse y'avait un p'tit vivyi et sus la muthâle eune boête êlectrique tchi prînt feu. I' fut d'mêtchi d'aller dans l'allée par dédans pouor qu'si l'dêteigneux à gaz - lé vèrt, pon l'chein à l'ieau, l'rouoge. Deux mêssieux entrîtent siez mé à seule fîn d'mé m'nichi. I' 'taient touos les deux habilyis en nièr auve les longues néthes câsaques et des néthes leunettes. I' 'taient assez jannes et i' criyaient qué j'avais un enr'gîstrément tchi, s'lon ieux, n'tait pon léga. I' lus assiévîtent à tabl'ye sus ma tèrrasse et n'taient pon pouor lus 'n'aller sans l'enr'gîstrément.

Geraint Jennings
19/5/2010

 

Viyiz étout:

 

Les Pages Jèrriaises