Au bord d'la mé y'avait un tchai d'pronm'nade au pid des falaises tchi touônnait et vithait l'tou des rotchièrs. Ch'tait bein bé. Amont des d'grés y'avait l'entrée à eune cotte: deux-trais aîtres avaient 'té creusés dans la falaise dé grise pièrre et dans iun d'shes aîtres y'avait eune fontaine dans un creux coumme un êvyi. J'pus y laver mais g'veux mais i' n'tait pon d'mêtchi d'faithe sèrvi du litchide anti-microbe. Ch'tait eune sainte fontaine, et quand j'y r'vîns pus tard, un prêtre avait changi la chapelle auve des chandelles et au d'ssus d'la fontaine dans eune bouônelle driéthe eune ôsaine un mio sale et embliâsée, y'avait un patron d'grand crapaud chînmenté dans l'rotchi. J'èrmèrcyis l'prêtre pouor aver r'grée la chapelle. Y'avait deux'trais vîsiteurs, mais dans lé p'tit aître nou-s'avait à sauticotter viyant qu'i' y'avait eune grande hôlouoge bâtie dans l'aithe et l's adgulles touônnaient tréjous et quand l'adugulle pâssait souos ses pids nou-s'avait à sauter par dessus pouor n'êt' pon douochement gav'lé.
Rêvé l'3/11/2020
Viyiz étout: