J'tême mâtés d'un bord d'eune êtente d'hèrbe entre les bouaîs'sies d'amont l'mont et les bouais au bord d'la mé. Y'avait tchiques bouais au pré étout. Amont l'mont des breunes ourses démeuthaient dans les bouaîs'sies, et au bord d'la mé y'avait des néthes ourses souos les bouais. Les breunes ourses tchittîtent lé mont, ou bein en fûtent cachies, et d'valîtent lé travèrs dé l'hèrbe à seule fîn d'lus appréchi du bord d'la mé. J'èrgardêmes les ourses tchi d'valaient et jé n'savêmes pon s'i' y'éthait du hèrtchîn entre les breunes et les néthes quand les breunes arrivaient souos les bouais au bord d'la mé. Mais quand les breunes arrivîtent, les néthes pathaîssaient întérêssies au run d'êt' gênées.
Dans la mé, y'avait des lêzardes, longues coumme lé bras, auve des ronds dés sus lus pattes atout tchi i' nageaient.
Rêvé l'12/12/2023
Viyiz étout: