Dans l'par y'avait un êvènement et les gens pouvaient apporter des tentes pouor y dormi. Des dgaîngues dé gens vîntent mâter des tentes pouor dormi ensembl'ye.
Y'avait eune stâlle à lédgeunmes endrait l'marchi (tchi 'tait freunmé). J'avais dans l'esprit d'acater des tonmates, mais les tonmates n'avaient pon meûthi et 'taient acouo trop duthes et jaunes. Lé travèrs des bârrotîns du marchi j'viyais des frits et des lédgeunmes.
J'dis au vendeux à la stâlle, "Tchi bieau fricot!" Mais ch'tait-i' d'acater des tonmates meuthes au marchi d'main? Lé vendeux m'rêponnit qu'i' n'y'étrhait d'aut' ofûche des tonmates dé restant d'main et ché s'sait mus d'en acater achteu et les laîssi meûthi. J'acatis don eune poutchie d'tonmates et nou m'baillit étout pouor rein eune grande poutchie en pliastique d'avocats meurs (les avocats 'taient si meurs qué y'en avait tch'avaient c'menchi d'pouôrri).
Rêvé l'12/3/2023
Viyiz étout: