|
Nos rêves nos mouontrent eune aut' rêalité - La véthité muchie driéthe chutte vie. Et né v'chîn chein qué j'vis la niet pâssée: Mén armouaithe 'tait remplyie dé blianches souothis. Dans mes pouchettes, mes manches, les gambes ès braies... Mouon Doue, tchi faithe? Et coumme tchi l'explyitchi? Chu rêve mé donne un m'sage tchi n'est dgéthe cliai. Mes habits sont la d'meuthe ès blianches souothis! Faut-i' considéther eune trappe-à-rats? I' n'sont pon les beinv'nues dans mes habits. J'dév'thais-t-i' rêver à un êpeûthas? Ou bein l'cat au sauteux pouor les mangi? Rêver à tchique hardelle au cliai d'la leune, Ou sus eune grève, éthait 'té un pliaîsi... Les blianches souothis (i' n'y'en avait pon d'breunes) N'en avaient pon fait la maîntchi du ji. Mais j'éthais mus rêvé à la rouoge trie, Qu'les blianches souothis tchi hantaient mén armouaithe. V'là tch'est un pitchi quand nou trouve qu'ses nyits Paisibl'yes sont cribliées d'un tas d'souothitchiéthes!
Geraint Jennings |
Viyiz étout: