|
Nou parachutit dans eune bouaîs'sie d'pîns auve eune veue sus la mé ensolilyie; les bouais craîssaient sus des réchinnes du scîn - châtchun plianté sus des livres dé magie. Nou fliottit ava sus d's ailes dé blianche souaie à seule fîn dé dêfoui ches livres magiques; La tèrre couvèrte dé rouoges adgulles, not' chai embraichie par des caudes brises êlectriques. Nou dêcouvrit les couvèrtuthes d'rouoge tchui înmprînmées d'êtranges caractéthes en or souos les adgulles, entre les réchinnes clièrgies. Tout chennechîn s'sa transformé souos chu chor- -chéthon, tchi s'en va changi nos para- -chutes en nuages d'enchens. Et ch't' êcrithie în- -fèrnale freunm'tha nos ièrs. Les trappes-à-rats happ'thont nos rêves dans chutte belle bouaîs'sie d'pîns. Geraint Jennings 2003 |
Viyiz étout: