Ès Êtats d'Jèrri y'a chînquante trais membres êlus:
12 Sénateurs êlus pouor siex ans par l's êlecteurs dé l'Île. La maintchi dg'ieux sont êlus touos les trais ans.
12 Connêtabl'yes êlus pouor trais ans par l's êlecteurs dé châque pâraîsse.
29 Dêputés êlus pouor trais ans par l's êlecteurs s'lon la populâtion d'châque pâraîsse.
Y'a étout ès Êtats:
Lé Bailli, tchi est l'Président d's Êtats et tchi est appointé par la Couoronne
Lé Douoyen, tchi est l'Recteu d'Saint Hélyi et chef d'l'Êglyise Anglicanne en Jèrri. I' peut pâler ès dêbats ès Êtats, mais i' n'a pon l'drouait d'voter.
Lé Lieut'nant-Gouvèrneux, tchi est l'èrprésentant d'la Reine en Jèrri. I' n'a pon l'drouait d'voter ès Êtats, mais il a un véto entouor les sujèts non-constitutionnelles.
La Mâsse, tch'est l'symbôle d'la Constitution, fut donnée à l'Île par l'rouai Charles II d'Angliétèrre pouor èrmèrcier l'Île (et sustout lé Bailli) pouor lé souôtchein tch'il a r'chu pendant la Dgèrre Civile. Ch'tait en Jèrri qué Charles fut procliamé rouai pouor la preunmié fais après la mort d'san péthe, lé rouai Charles I.
Vocabulaithe:
|
Jèrriais |
Angliais |
Français |
|
la Pâraîsse |
Parish |
la Paroisse |
|
lé Bailli |
Bailiff |
le Bailli |
|
lé Sénateu |
Senator |
le Sénateur |
|
lé Dêputé |
Deputy |
le Député |
|
lé Connêtabl'ye |
Constable |
le Connétable |
|
States of Jersey |
Les États de Jersey |
|
|
lé Lieut'nant-Gouvèrneux |
Lieutenant-Governor |
Le Lieutenant-Gouverneur |
|
lé Douoyen |
Dean |
le Doyen |
|
Mace |
la Masse |
|
|
êlithe |
to elect |
élire |
|
un êlecteu |
elector |
un électeur |
|
eune êlection |
election |
une élection |
|
eune vouaix |
vote |
une voix |
|
la louai |
law |
la loi |
Viyiz étout: