|
Le Trésori des Estats Demande une somme Pour le haller d'embarras, Car i' n'sait pon comme Payir pour touos les bouchons, Payir pour touos les machons, Le pouor petit homme, Oh! la! Le pouor petit homme. L'intérêt de treis et d'mi Que promet l'annonce, Ne parait pon en crédit, N'a pon de réponse; Les Jerriais sont trop malins, I' n'risquent pon lus herpins, Quand la banque enfonce, Oh! la! Quand la banque enfonce. Plaignons donc le tristre sort P'tit dingne d'envie, Qui attend le nouviau port, La neuve cauchie; Si nou n'peut trouver les sous, Nou verra b'étôt souos l'fou Maitre et compagnie, Oh! la! Maitre et compagnie.
|
Viyiz étout: