|
“Vaten vais si vainnent Jean.” Le bouan “Night CHEVALIER,” le LARKSMAN véridique, Voulant faire mentir s'en anmien la Chronique, S'y prins finment l'autjour ovec sen anmin PHLIP, Qui s'en fut au bureau criant, “Houras, Hip, Hip,” Eh bain Messieurs, Ha sa, ma fé notre anmin PIERRE, S'ra bétôt “Sir Peter,” Knigtai par l'Anglieterre, Pour le rescompenser parchain qui fut à bord, Du steam-boat à la reine ovec le BOUTE A PORT, De gniet! dans un BATÉ! porter la belle adresse, Des MAIRE! et des CHENTGNIERS! les chefs de la Pasresse, Ainchin pour tant d'bravoure, ah il éra l'honneur, D'êt Knight où Roué d'Gesry et ptêt-bain Empereur. Nos l'aissons ti ichin? à cause d's'ningégnie, Où l'envierons ti pon dans quique Colonie? Pour organiser là cheux qu'y vainnent tous les jours, En faire des ROSIERS ov ses malins discours!... N'le laissons pon aller car le parti d'la ROSE, S'rait à janmais fichu, bain qu'in vaut pus grand chose, Mais che n'est pa la tout, l'anmin GEORGE GAUDIN, Sr'a fait Knight Barinett quantai san grand anmin; Ah! qui biau jour garçons, deux SIRS!! à notre tête, J'hoisterons nos couleurs...” Dit ch'la za “Phlip Potteur” i s'ra le Roué d'la fête. L'orateur est prins d'peux! Et s'en va tout pesneux! Le journal n'a pon prins de merc à tout chonna Les Knights ne sont pon faits i sont que pliantais là Il attendront longtems “Sir Peter” et “Sir George!” Il y siqu'ront sus but - ah vez guia séménasge.
PIERRE MARTÉ, Knight of the Anvil! |
Viyiz étout: