En m'offrant comme candidat pour le poste de Sénateur, je réalise les grandes responsabilités que j'entreprends. Ch'n'est pas pour me hauchi que j'prends. Tout ch'que j'ai dans l'idée ch'est d'rendre service à l'Ile que j'aimons tant et tchi nos vaut tant qu'nou s'sait Jerriais d'naissance ou Jerriais par adoption.
J'me s'y mint sûs les rangs comme un Candidat Independent, de procès délibethé car je s'y convâintchu que n'y'a-pas d'run pour des partis dans nos affaithes insulaithes. Nou dev'thait tous travâillyi ensembles pour le bain et dans les miyeurs intéthêts d'l'Ile.
Je considèthe qu'un Sénateur, une fais êlu, est dans la même position comme un Député, sinon que l'Sénateur r'présente les intéthêts d'l'Ile entièthe, et pas seulement l's'intéthêts d'une seule pâraisse. Si j's'y êlu, je s'sai tréjous ben content d'rencontré l's'êlécteurs quand y voudront, pour distchuté autchune mésuthe importante tchi veindra d'vant l's'Etats pour décidé la miyeu manièthe de l'appréchi ayant tréjous en veue d'faithe le mûs pour l'Ile.
Je n'vos fais pas d'promêsses inutiles, mais ne v'la la garantie que j'vos donne et ou pouvez vos fié d'sûs.
Si j's'y êlu, j'sérvithai l'Ile fidèlement, et j'don'nai tout ch'que j'ai d'miyeu. Pour le faithe, j's'y prêt à faithe fache ès sacrifices qu'une cârriète dév'ouée à la politique demande.
Frank Le Quesne
Les Vagues,
Pontac,
St. Clement
Morning News 9/11/1948
Viyiz étout: