Le Bailli mène un' vie de tchean;
Che n'est qu'souci, che n'est qu'ahan;
Les avocâts et les gâzettes
Ne font qu'li baillir d'leux varvettes.
Mais, m'est avis, i n'a qu'mie mà,
Il a de quel dans seu bissà
Et seu r'venu m'fait presque envie,
D'aveir sa plièche à mei baillie!
Ah ! j'aim'rais mus être doyen,
Du fane i prend, si y-a moyen,
Il acte, il liet, et peut bien rire;
Et badine èttout j'peux vos l'dire!
Non n'peut nintout l'laissir en r'pos,
Non li-en mèt fameus'ment sus l'dos,
J'aim'rais mus la paix dans un aître
Le doyen je ne voudrais pon être!
Le Gouverneux est d'un haut rang,
J'amais i n'a ma ni mahan,
Il est l'pus grand qu'il y ait dans l'île,
Si pâle, a meins, ch'est êvangile.
Sa plièche i m'semble n'vaut pon fort,
Les ris-lees du Shorshi du Nord,
Dauve Andersons je serais quitte
Ou Gouverneux je n's'rais pon vite!
|
