Dans un système dé gouvèrnément minnistéthiel, lé Preunmié Minnistre est l'président du cabinnet d'minnistres. Lé preunmié minnistre peut présider l'gouvèrnément d'un êtat ou ofûche d'eune région.
Lé président d'un gouvèrnément peut êt' app'lé autrément. Par exempl'ye, en Allemangne et en Autriche lé président du gouvèrnément est l'Chancélyi, et dans la Républyique d'Irlande, ch'est l'Taoiseach, et y'a des pays dans tchi l'président du gouvèrnément est l'Chef Minnistre.
Dé couôteunme, lé Preunmié Minnistre est l'chein tch'a l'souôtchein d'eune mâjorité du parlément et est appouainté formellement par lé chef d'êtat. Mais en Israël lé Preunmié Minnistre est êlu par l's êlecteurs et dait assemblier san cabinnet dé d'dans l'parlément tch'est êlu s'pathêment.
Dans un système présidentiel, ch'est l'Président d'la républyique tch'est à la tête du gouvèrnément - par exempl'ye ès Êtats Unnis d'Améthique.
Y'a étout des systèmes sémi-présidentiels dans tchi l'Président et l'Preunmié Minnistre chârent la responsabilité d'gouvèrner s'lon la constitution - par exempl'ye, la France, la Fînlande et la Russie.
Viyiz étout: