|
J'soumes en élection pour Député, Et m'en William chez té qui s'en va iêtre, I'n faut pas faithe coum à la sienne de Chantgni, Car j'avons agi coum un tas d'bêtes. Car j'nos mespraime dans les calchuls En mettans quatre-vingt-dix plumpeurs, La corde qu'a menait toutes ses mules, A sailait pour longtans not malheur. Mais ne crains pas, tu s'as Député, Car tu es pus de quarante vouais l'avant; Et quand vaindra la veille de l'Élection, Le Connaitable pourra en faithe presque autant. Alors le 12 Décembre, le sé Ce brave gentilhomme se mins a l'euvre, D'pres l'Eglise a onze heuthes y part, Pour destourné des vouais s'y peut. Mais des fichus balloques le suivent D'pis l'Eglise j'usqu'au fond d'Rozé. Et là un brave Vintgni y l'achusent, D'avait té pitoyablement s'ennivré. La il appelle un houm coum taimoin, Et d'mande a chu mousieu "j'sis ti ivre," Si je vos viyais allumé vot pipe a ma pompe, Alors p' têtre je pourrais le dithe. Ah ! man Thomas coum y nos venge Faut nos en allé, sis té nos muchi, Et la y faudra q'nou s'arrange, Pour allé alieurs d'vaut nos cuochi. Mais les balloques y nos suivent ouquo, Pour du renfort ont ramassait un Chantgni, Et dont alors, y se craient bain fort, Et s'en vainnent avec lus carosse erquemenchi. Prend ta lampe Rowville, j'allons les vais passé, Et té George prend la lanterne, Tom va avec li, Allais amont la route un but, et r'vnais les rencontré, Apres je séthons les siens qui nos ont suivi. Oun pathaisez pas mal messieux se fit le Connaitable Car y n'avait pas ouquo erconnu cet carossais de diables, Mais les deux avec la lanterne s'en vainnent les rencontré, Et j'les r'connaitrethons, y n'ia pas a en douté. Mais tro prais d'la carosse nos deux anmins passe, Car crac... tchi sabat, n'ou n'y vait que biaze ; La lanterne es cassée monsieu, se fait not Tom, Ah, prenais les noms, car chonchin n'sa pas du fanne. Opres d'la carosse le Connaitable s'appréchi, Quand y'un saute bas, et dit quil tait Chantgni; Um, um, y fit - y fut tout ésbahi, Car en maîme tans, Tom criyit y'ia étou un Vintgni. Chesque es les noms des autres qui sont avec té Ergardez pour vous maîme se fit le Chantgni, Ah! Charles, Edouard, d'ousque t'ues m'en garçon, Dit li quines de sis té, dit y'un que j'connaison. N'te laisse pas intimidé, se fit le Connaitable, Dit li tan nom, n'ia pas d'ma d'fait se fit y'un des diables, Alors y r'touanni et sis le vaisin Tom entri, En attendant que la côte fut saine pour erquemenchi. Et bain les v'la hors, ils ont y'ieu peux, faut continué, Mais grande fut lus surprinse dans l'carfour de trouvé, La maudite carosse, la maîme bande d'individus Qui les avait suivis, vangis, jusqu'à l'heuthe indue. De quatre heuthes du matin, y n'en pouvais pus, Y'ian resti deux d'yeux pichis opres d'lus ; Va t'en Rowville; y brousse, in fait pon clié, Les autres monte la garde, lus sachant l'allumette au bé. Y pâlais entre yieux de les traduithe en Cour, Tchi fanne pour les Saint Martinais - tchi biaux jour Le Juge Vaudin en s'en motchant lus éthait di, A destuausné des vouais la niet, ne pas erquemenchi. VIVE BINET, VIVE NOTRE CHANTGNI, VIVE LA COULEU BIUS ET LE L'UOTHI. |
Viyiz étout: