Les Pages Jèrriaises

Sonnet 68

Sa fache dé même a enfachi l'vièr temps
quand l'bé vivait et mouothait coumme nos flieurs
d'vant qu'les faux bieaux-bieaux vînssent, contrathiant,
lus spalmer sus eune vive tête, faithe des teurts;
d'vant qu'les crîngnaches d'or des cheins souos la bliête,
des mèrgots l'héthitage, en fûssent touôsées
pouor èrvivre dèrché sus eune deuxième tête,
qu'la touaîson d'morte bieauté sait împôsée.
Sa fache est fraîche et vraie, sans fard ni art,
coumme au temps pâssé, flieuthissait d'tchi saint
sans s'èrvèrdi atout l'vèrt d'tchique aut' var,
faîthant d'tchi neu sans janmais faithe lé feint.
La natuthe lî rempl'ye tant d'bieauté la fache
pouor êgaluer du vrai chein qu'lé faux g'dache.

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises