|
Quandi qu'j'èrcliâmais t'n aîgue à man tout seu, mes vèrsets 'taient bénîns par tan bieau ji; achteu mes pièches rêjouies sont en dêcreu et ma Muse êtchoeuthée est dêlouogie. J'di et j'dithai, man tchoeu, qu'tan thème si bé dait êt' assujetti d'eune miyeu plieunme - mais tout chein qu'tan rînmeux peut y r'trouver, i' t'hale épis t'èrpaie coumme dé couôteunme. I' t'coêffe d'honneu - i' t'a câfré chu mot dans tes faichons, t'a r'bailli tan butîn coumme un r'fliet d'ta belle fache; épis l'îngnot peut raîque tînfer chein tch'est en té tout fîn. N'l'èrmèrcie pon pouor autcheune chose qu'i' dit d'pis chein qu'i' t'dait, tu dai té-même payi. William Shakespeare Vèrsion Jèrriaise dé Geraint Jennings |
Viyiz étout: